خیبر میں بارودی مواد کا دھماکا، مکان کو نقصان، چار افراد زخمی

علاقے شیر برج میں ایک مکان کے قریب بارودی مواد کے دھماکے سے چار افراد زخمی ہوگئے، جبکہ مکان کے دو کمروں کو بھی نقصان پہنچا۔

پولیس کے مطابق بارودی مواد مکان کی دیوار کے ساتھ نصب کیا گیا تھا، جو دھماکے سے پھٹ گیا۔ واقعے کے نتیجے میں چار افراد زخمی ہوئے، جنہیں طبی امداد کے لیے اسپتال منتقل کردیا گیا۔

دھماکے سے مکان کے دو کمروں کو نقصان پہنچا ہے۔ پولیس واقعے سے متعلق مزید تحقیقات کررہی ہے۔