پشاور میں تمام سرکاری اور نجی تعلیمی ادارے آج کھلیں گے، جبکہ بی آر ٹی سروس بھی بحال کر دی جائے گی۔ دوسری جانب کرک میں اسکول کھلے رہیں گے، تاہم ہائر سیکنڈری اسکولوں، کالجوں اور جامعات میں تعطیل ہوگی، جبکہ صوابی میں تمام تعلیمی ادارے آج بھی بند رہیں گے۔
ضلعی انتظامیہ اور ٹرانس پشاور کے مطابق پشاور میں تعلیمی ادارے معمول کے مطابق کھلیں گے اور بی آر ٹی سروس بھی آج سے دوبارہ شروع کر دی جائے گی۔
کرک میں پرائمری، مڈل اور سیکنڈری اسکول معمول کے مطابق کھلے رہیں گے، تاہم سرکاری و نجی ہائر سیکنڈری اسکول، کالج اور یونیورسٹیاں بند رہیں گی۔
ادھر ضلع صوابی میں تمام تعلیمی ادارے آج بھی بند رکھنے کا فیصلہ کیا گیا ہے۔
