پاسداران کا دعویٰ، خلیج فارس میں اب ایک بھی امریکی جنگی جہاز موجود نہیں

پاسداران انقلاب ایران نے دعویٰ کیا ہے کہ امریکی جنگی جہاز آبنائے ہرمز کے داخلی حصے اور خلیج فارس سے 500 کلومیٹر پیچھے چلے گئے ہیں۔

پاسداران انقلاب کے بریگیڈیئر جنرل حسین محبی کے مطابق امریکا اور اسرائیل کی جانب سے ایران کے خلاف جنگ سے قبل خلیج فارس میں 30 سے 40 امریکی جنگی جہاز موجود تھے، تاہم اب اس علاقے میں ایک بھی امریکی جنگی جہاز موجود نہیں۔

جنرل حسین محبی نے یہ بھی دعویٰ کیا کہ خلیج فارس میں فعال امریکی پانچویں بحری بیڑے کی کوئی چھوٹی کشتی بھی اس وقت خلیج فارس میں موجود نہیں۔

ان کا کہنا تھا کہ امریکی دھمکیاں یقینی شکست کو فتح ظاہر کرنے کی کوشش ہیں۔

یو ایس ایس ابراہام لنکن اور جیرالڈ فورڈ سمیت دیگر امریکی بحری جہازوں کا حوالہ دیتے ہوئے جنرل حسین محبی نے دعویٰ کیا کہ امریکی فوج طویل جنگ لڑنے کی صلاحیت نہیں رکھتی۔

انہوں نے امریکا کو خبردار بھی کیا کہ ایران کے خلاف کسی بھی جارحیت کی بھاری قیمت چکانا پڑے گی۔