سعودی عرب کے فضائی دفاعی نظام نے حوثیوں کی جانب سے داغے گئے 2 بیلسٹک میزائل اور 4 ڈرونز فضا میں ہی تباہ کردیے۔
اتحادی افواج کے ترجمان میجر جنرل ترکی المالکی کے مطابق حوثیوں کی جانب سے سعودی عرب کے جنوبی علاقوں کی طرف حملہ کیا گیا تھا۔
انہوں نے بتایا کہ خمیس مشیط کے اوپر ایک بیلسٹک میزائل جبکہ جازان کے اوپر ایک اور میزائل کو فضا میں ہی تباہ کردیا گیا۔ چاروں ڈرونز بھی خمیس مشیط کے اوپر تباہ کیے گئے۔
سعودی سول ڈیفنس کے مطابق بیلسٹک میزائلوں کو فضا میں تباہ کیے جانے کے بعد ان کا ملبہ خمیس مشیط کے رہائشی علاقوں میں گرا، جس کے نتیجے میں کئی عمارتوں اور گاڑیوں کو نقصان پہنچا۔
