کراچی کے این آئی سی ایچ اسپتال کی نرسری میں بچوں کی موجودگی میں ویلڈنگ

کراچی میں نیشنل انسٹی ٹیوٹ آف چائلڈ ہیلتھ (این آئی سی ایچ) اسپتال کی نرسری میں نومولود بچوں کی موجودگی میں ویلڈنگ کیے جانے کی ویڈیو سامنے آگئی۔

ویڈیو میں دیکھا جاسکتا ہے کہ ویلڈنگ کے دوران نرسری میں نومولود بچے بستروں پر لیٹے ہوئے ہیں۔

ذرائع کے مطابق نرسری میں 80 سے 120 بچے موجود ہوتے ہیں، جن میں زیادہ تر نومولود آکسیجن پر تھے۔

ذرائع کا کہنا ہے کہ شعبۂ ایمرجنسی کی نرسری میں ہنگامی اخراج کا راستہ بنانے کے لیے مرمتی کام کرایا گیا ہے۔